საგარეო საქმეთა მინისტრს გიორგი კვირიკაშვილს ევროკომისიის დასკვნასთან დაკავშირებით პოზიტიური მოლოდინები აქვს.

რაც შეეხება დასკვნის გამოქვეყნების გადადებას, როგორც მინისტრმა აღნიშნა, არაოფიციალური ინფორმაციით, ეს საქართველოსთან დაკავშირებული არ არის.

„ჩვენთვის არაოფიციალური კომუნიკაციით ასეა ცნობილი, რომ ეს მიზეზი არ არის საქართველოსთან დაკავშირებული. ეს არის ტექნიკური გადავადება ალბათ, რამდენიმე დღით და ეს მიზეზი არ არის დაკავშირებული საქართველოსთან. როგორც ჩვენთვის არის ცნობილი, საქართველოს შემთხვევაში დასკვნა არის დადებითი და იმედი მაქვს, რომ როგორც იქნა გაცხადებული ევროკომისიის ვიცე პრეზიდენტის მოგერინის მიერ, წლის ბოლომდე დასკვნა გამოქვეყნდება, შეიძლება უფრო ადრეც,“ - განაცხადა გიორგი კვირიკაშვილმა.

დასკვნის გამოქვეყნება გუშინ უნდა მომხდარიყო, თუმცა ევროკომისიის გადაწყვეტილებით რამდენიმე დღით გადაიდო.

არაოფიციალური ინფორმაციით, ვიზა ლიბერალიზაციასთან დაკავშირებული ანგარიშის გამოქვეყნება 21-22 დეკემბრისთვის იგეგმება.