შეწყალების კომისიის ყოფილი თავმჯდომარე ალეკო ელისაშვილი პირადი დაცვით სარგებლობაზე უარს აცხადებს. მისი თქმით, დაცვით სარგებლობას მას პროკურატურამ შესთავაზა. როგორც საკრებულოს დამოუკიდებელი დეპუტატი ამბობს, ამ ტემაზე საუბარი გიორგი მარგველაშვილთანაც ჰქონდა.

"პრეზიდენტს ჩემთვის დაცვა არ გამოუყვია, ამის თაობაზე კვირას გვქონდა საუბარი. პროკურატურამ შემომთავაზა სპეციალური დაცვის ღონისძიება, მაგრამ ამ ეტაპზე უარს ვამბობ იმიტომ, რომ არ მეშინია. ვისაც დანაშაული აქვს ჩადენილი, იმას ეშინოდეს. პრეზიდენტთანაც მქონდა შეხვედრა, მან შემომთავაზა დაცვის ღონისძიების გატარება, მაგრამ მე ამაზე უარს ვამბობ", - განაცხადა ალეკო ელისაშვილმა.