პარლამენტის ვიცე-სპიკერი მურმან დუმბაძე და აჭარის უმაღლესი საბჭოს დეპუტატი მედეა ვასაძე კიევის ყოფილი მერის ლეონიდ ჩერნოვეცკის პოლიტიკურ გუნდს უერთდებიან.

დუმბაძე ჩერნოვეცკისთან კონსულტაციებს ადასტურებს.

„კონსულტაციები მიმდინარეობს, გადაწყვეტილებას ჩერნოვეცკი მიიღებს. ეს იქნება 5-10 თუ 20 კაციანი საინიციატივო ჯგუფი ვერ გეტყვით. პიროვნებების დასახელება არ შემიძლია, რადგან უამრავი კარგი ადამიანია. კარგი და საინტერესო ადამიანების შეკრების შემთხვევაში შესაძლებელია კარგი პოლიტიკური ძალის ჩამოყალიბება“, - განაცხადა დუმბაძემ.

საქართველოში ახალი პოლიტიკური პარტია იქმნება, რომლის დამფუძნებელიც კიევის ყოფილი მერი ლეონიდ ჩერნოვეცკია. პარტიის სახელწოდებაა ,,ბედნიერი საქართველო“. ჩერნოვეცკის უახლოეს გეგმებში 2016 წლის საპარლამენტო არჩევნებში მონაწილეობა შედის.