უმრავლესობის დეპუტატი გია ვოლსკი მიიჩნევს, რომ ალეკო ელისაშვილის განცხადების საფუძველზე დაწყებული გამოძიების ფარგლებში მანანა კობახიძის დაკითხვა მოზანშეწონილია.

ამის შესახებ ვოლსკიმ დღეს გამართულ პრესკონფერენციაზე განაცხადა.

"ნებისმიერი ადამიანი, ვისაც ოდნავ მაინც შეეხო ტალახის წვეთი, აუცილებლად უნდა დაიკითხოს. ეს საქმე ბოლომდე უნდა მივიდეს. შევაჩვიეთ საზოგადოება, რომ საკითხები დიდხანს იხილება და წლების განმავლობაში ვერ დავადგინეთ, რა ტენდენციებთან გვაქვს საქმე“, - აღნიშნა ვოლსკიმ.

პარლამენტის ვიცე-სპიკერი მანანა კობახიძე ადასტურებს, რომ ე.წ. კოკაინის საქმეზე დაკავებულების შეწყალებას ითხოვდა. ამის შესახებ კობახიძემ გაზეთ „კვირის პალიტრასთან“ საუბარში განაცხადა.

კობახიძე ფიქრობს, რომ დაკავებულები პატიმრობაში სერიოზული საპროცესო დარღვევებით იმყოფებოდნენ.