პარლამენტში დღეს 2016 წლის სახელმწიფო ბიუჯეტის პროექტს უყრიან კენჭს. ახალი პროექტით ბიუჯეტი 225 მილიონი ლარით იზრდება. აქედან 90 მილიონი პენსიებს მოხმარდება, 48 მილიონი- სოფლის მეურნეობას, 15 მილიონი კი ლტოლვილებისთვის ბინების მშენებლობას.

დოკუმენტის მიხედვით, ყველაზე მეტი - 975 მილიონი ლარი განათლების სამინისტროზეა გათვალისწინებული, 950 - რეგიონული განვითარებისთვის, 800 მილიონი ჯანდაცვის პროგრამებზე, თავდაცვის სამინისტროსთვის - 670.

მთავრობის სარეზერვო ფონდი 50 მილიონი ლარით, პრეზიდენტის სარეზერვო ფონდი 5 მილიონით განისაზღვრა. უკვე ცნობილია, რომ პროექტს მხარს არ უჭერს საპარლამენტო ოპოზიცია.