კირვალიძეზე სერიოზული გათვლა მექნება

კირვალიძეზე სერიოზული გათვლა მექნება - ალასანიას გეგმები

პოლიტიკა - 15:11, 10 Dec, 2015

1893

„თავსუფალი დემოკრატები“ ხელისუფლებაში მოსვლის შემთხვევაში სოფლის მეურნეობის ყოფილ მინისტრს დავით კირვალიძეს მინისტრის პოსტს კვლავ შესთავაზებენ.

ამის შესახებ ირაკლი ალასანიამ „ნიუპოსტთან“ საუბრისას განაცხადა.

ალასანიას თქმით, "თავისუფალი დემოკრატების" სოფლის მეურნეობის სტრატეგია, რომელიც შემდგომ "ქართული ოცნების" სოფლის მეურნეობის სტრატეგიის საფუძველი გახდა, კირვალიძესთან ერთად შეიმუშავეს.

„დავით კირვალიძესთან, მეგობრობის გარდა საქმიანი ურთიერთობა გვაქვს. "თავისუფალი დემოკრატების" სოფლის მეურნეობის სტრატეგია, რომელიც შემდგომ "ქართული ოცნების" სოფლის მეურნეობის სტრატეგიის საფუძველი გახდა, სწორედ დათოსთან ერთად იყო შემუშავებული. რაც შეეხება მის პარტიაში გაწევრიანებას ამაზე სპეკულაცია არ დამიწყია, მე დავადასტურე, რომ გავაგრძელებ მუშაობას სოფლის მეურნეობის მიმართულებით და მასთან აქტიურ თანამშრომლობას. ვთვლი, რომ კირვალიძის მსგავსი პროფესიონალები, ქვეყნის პატრიოტები ქვეყნის სამსახურში უნდა იყვნენ. ხელისუფლებაში მოსვლის შემდეგ, კირვალიძეზე სერიოზული გათვლა მექნება“ - აღნიშნა ჩვენთან საუბრისას „თავისუფალი დემოკრატების“ ლიდერმა.

შეგახსენებთ, დავით კირვალიძემ მინისტრის პოსტი მას შემდეგ დატოვა, რაც პროკურატურამ ე.წ. ტრაქტორების საქმის გამოძიება დაიწყო. მიუხედავად იმისა, რომ 2014 წლის 4 თებერვალს, საქართველოს მთავარმა პროკურატურამ, ე.წ. ტრაქტორების საქმეზე სასამართლოდან საქმე გაიტანა და სოფლის მეურნეობის მაღალჩინოსნებს დიდი ოდენობით თანხის გაფლანგვის ბრალდებაც მოუხსნა. ამ უკანასკნელმა თანამდებობაზე დაბრუნებაზე უარი განაცხადა.

სოფლის მეურნეობის ყოფილი მინისტრი ამჟამად საერთაშორისო ორგანიზაციაში New Frontiers in Agriculture (CNFA) დირექტორთა საბჭოს წევრია.