"ასეთ საქმეში ფულის აღება, ადამიანებით ვაჭრობის ტოლფასია... მნიშვნელოვანი ომი წამოიწყეს"

სოც.მედია - 12:30, 10 Dec, 2015

2889

ფსიქოლოგ ნათია ფანჯიკიძის თქმით შეწყალების კომისიის ხელმძღვანელები ალეკო ელისაშვილი და ზვიად ქორიძე ის ადამიანები არიან, რომლებსაც მისთვის იმედი არ გაუცრუებიათ. ფანჯიკიძის თქმით, ამ ადამიანებმა უსამართლობის წინააღმდეგ მნიშვნელოვანი ომი წამოიწყეს, ამიტომ საზოგადოების მხრიდან მათი მარტო დატოვება სახელმწიფოსთან ბრძოლაში დაუშვებელია

„ის შემთხვევა, როცა ადამიანები იმედს არ გიცრუებენ.

ალეკო ჩემი ეზოელია და სამთვლიანი ველოსიპედის ჩაუქ მრბოლელს დღეს ამხელა ბრძოლაში რომ ვხედავ, განსაკუთრებული სენტიმენტი მაქვს, ზვიადი უკვე დიდი ბიჭი გავიცანი, მაგრამ ასევე ძალიან სასიამოვნო და კარგ ადამიანად მყავს აღქმული. პირადი გრძნობები იქით იყოს და ძალიან მნიშვნელოვანი ომი წამოიწყეს, ასეთ საქმეში, რის წინააღმდეგაც იბრძვიან, ფულის აღება, ადამიანებით ვაჭრობის ტოლფასია.

პოლიტიკური მოვლენების უმეტეს ნაწილს არ ვეხმაურები ხოლმე, მაგრამ ეს არ შემიძლია რომ არ გავავრცელო. საქმე უნდა გახმაურდეს, რომ ეს ორი ადამიანი იყოს დაცული საზოგადოების მხარდაჭერით. მათი მარტო დატოვება სახელმწიფოსთან ბრძოლაში დაუშვებელია.“- წერს ნათია ფანჯიკიძე ფეისბუკზე