"ივანიშვილმა და მისმა მთავრობამ 2012 წლისთვის მიღწეული ეკონომიკური მდგომარეობის შენარჩუნებაც ვერ შეძლო"

პოლიტიკა - 11:21, 10 Dec, 2015

892

"ერთიან ნაციონალური მოძრაობის“ წევრმა ლევან თარხნიშვილმა პარტიის ოფისში, დღეს გამართულ პრესკონფერებნციაზე

მთავრობის არასწორ პოლიტიკასა და 2012 წელთან შედარებით შეუსაბამოდ გაზრდილ ხელფასებზე ისაუბრა.

თარხნიშვილმა ჟურნალისტებთან საქართველოს 8 რაიონის მიხედვით ჩატარებული კვლევის მონაცემებიც წარადგინა, თუ როგორაა გაზრდილი ადგილობრივ მუნიციპალიტეტებში ჩინოვნიკთა რაოდენობა მთავრობის წევრთა ნათესავებისა და “ქართული ოცნების” აქტივისტების ხარჯზე.

"ბიძინა ივანიშვილმა და მისმა მთავრობამ არათუ წინსაარჩევნო დაპირებები ვერ შეასრულა, ეკონომიკა წინ ვერ წაიყვანა და დაპირებული სამუშაო ადგილები ვერ შექმნა, არამედ 2012 წლისთვის მიღწეული ეკონომიკური მდგომარეობის შენარჩუნებაც ვერ შეძლო.

მიზეზი ივანიშვილის მთავრობის მავნებლური პოლიტიკა და “ქართული ოცნების” მაღალჩინოსანთა სიხარბეა.

სახელმწიფო ბიუროკრატია, რომელიც მთავრობის წევრთა ნათესავებისა და “ქართული ოცნების” აქტივისტების ხარჯზე უზომოდ გაიზარდა, 2012 წელთან შედარებით, 456 მლნ ლარით მეტი გვიჯდება. [თუ 2012 წელს ბიუროკრატიამ 1,202 მლრდ ლარი აიღო, 2016 წელს ეს რიცხვი 1,658 მლრდლარი იქნება.]

როგორც ვხედავთ 2016 წლის ბიუჯეტის პროექტში საკმარისი რეზერვია საიმისოდ, რომ პენსია 50 ლარით გაიზარდოს.

“გაზრდილი ბიუროკრატიის შემცირება, პრემიებისა და დანამატების პრაქტიკის მოსპობა, ქამრების რეალური შემოჭერა,”- ესაა ჩვენი პასუხი “ქართული ოცნების” კითხვაზე, როგორ გავზარდოთ პენსია 50 ლარით.

დღეს წარმოგიდგენთ საქართველოს 8 რაიონის მონაცემებს, თუ როგორაა გაზრდილი ადგილობრი ვმუნიციპალიტეტებში მთავრობის წევრთა ნათესავებისა და “ქართული ოცნების” აქტივისტების რაოდენობა.

ეს რაიონებია: დუშეთის მუნიციპალიტეტი, ვანის მუნიციპალიტეტი, სამტრედიის მუნიციპალიტეტი, ჩხოროწყუს მუნიციპალიტეტი, ცაგერის მუნიციპალიტეტი, ხარაგაულის მუნიციპალიტეტი, ხელვაჩაურის მუნიციპალიტეტი და ხულოს მუნიციპალიტეტი.

ერთიანმა ნაციონალურმა მოძრაობამ თითოეულ ამ რაიონში შეადარა მუნიციპალური საწარმოებისა დააიპების შტატიანი და უშტატო თანამშრომლების რაოდენობა და მათ ანაზღაურებაზე დახარჯული თანხა 2012 წლისა და დღევანდელი მონაცემებით.

სურათი კატასტროფულია:

შესწავლილ 8 მუნიციპალიტეტში აიპების რაოდენობა 65 ერთეულიდან გაიზარდა 96 ერთეულამდე; ააიპებში დასაქმებულ თანამშრომელთა რაოდენობა 2,938 ერთეულიდან გაიზარდა 4,483ერთეულამდე;) ხოლო შრომის ანაზღაურება (ხელფასები და პრემიები) 7,233,073-დან14,779,898 ლარამდე.

ერთიანი ნაციონალური მოძრაობა მოუწოდებს ხელისუფლებას, შეწყვიტოს ბოუროკრატიისა ზრდისა და მისი პრემიებითა და დანამატებით გამოკვების მავნე პრაქტიკა და თანხა 2016 წლის 1 იანვრიდან პენსიების 50-ლარიან ზრდაზე მიმართოს"- განაცხადა თარხნიშვილმა.

დანართი:

იმ 19 მუნიციპალიტეტის ჩამონათვალი, რომლითაც ვიხელმძღვანელეთ ჯამურ დინამიკაში;

მუნიციპალიტეტები:

ახალქალაქი

ლაგოდეხი

გურჯაანი

ლანჩხუთი

ჩოხატაური

მარტვილი

ონი

თიღვი

დმანისი