ალასანიასთან მეგობრობის მიუხედავად, დავით კირვალიძე პარტიაში გაწევრიანებას არ აპირებს

პოლიტიკა - 20:08, 09 Dec, 2015

1851

სოფლის მეურნეობის ყოფილი მინისტრის დავით კირვალიძის "თავისუფალ დემოკრატებში" შესაძლო გაწევრიანებაზე კომენტარი გააკეთა პარტიის ლიდერმა ირაკლი ალასანიამ, მან არ უარყო, რომ ირვალიძე მისი თანამოაზრეა.
ალასანიამ სოფლის მეურნეობის ყოფილ მინისტრთან სამომავლო თანამშრომლობა არ გამორიცხა.

"თავისუფალი დემოკრატების" სოფლის მეურნეობის სტრატეგია, რომელიც შემდგომ "ქართული ოცნების" სოფლის მეურნეობის სტრატეგიის საფუძველი გახდა, სწორედ დათოსთან ერთად იყო შემუშავებული. ისეთი ხალხი, როგორიც დათოა, ჩვენს ქვეყანას და სოფლის მეურნეობის განვითარებას სჭირდება", - განაცხადა ალასანიამ.
კომენტარი გააკეთა ვიქტორ დოლიძემაც. მისი თქმით, კირვალიძე თავისი საქმის პროფესიონალია.
"ამ თემაზე დავითთან საუბარი არ მქონია, მაგრამ თუ ის ჩვენ რიგებში გაწევრიანდება, ამას მხოლოდ მივესალმები", - აღნიშნა ვიქტორ დოლიძემ თემის კომენტირებისას.

საბოლოოდ როგორც გაირკვა, დავით კირვალიძე არც ერთ პარტიაში გაწევრიანებას არ გეგმავს.
სოფლის მეურნეობის ყოფილი ამბობს, რომ ის ამჟამად საერთაშორისო ორგანიზაციაში New Frontiers in Agriculture (CNFA) დირექტორთა საბჭოს წევრია და მოსწონს ეს საქმიანობა.