„დემოკრატიულ მოძრაობის“ ლიდერი ნინო ბურჯანაძე საარჩევნო სისტემასთან დაკავშირებით უმრავლესობის მიერ მომზადებულ კანონპროექტს იწუნებს.

მისი თქმით, აღნიშნულ კანონპროექტს სამართლიანობასთან საერთო არაფერი აქვს და პოლიტიკურ პარტიებს არათანაბარ პირობებში აყენებს.

„ამ ვარიანტს არაფერი საერთო არა აქვს სამართლიანობასთან და არაფერი საერთო არა აქვს საკონსტიტუციო სასამართლო გადაწყვეტილებასთან. ის პირდაპირ წინააღმდეგობაში მოდის საკონსტიტუციო სასამართლოს გადაწყვეტილების სულისკვეთებასთან. ეს გადაწყვეტილება მომზადებული მხოლოდდამხოლოდ იმ მიზნით, რომ ისე დალაგდეს რაიონები და მაჟორიტარული წესით ისე ჩატარდეს არჩევნები, რომ "ქართულმა ოცნებამ" თავისათვის მაქსიმალურად ხელსაყრელი ვითარება შექმნას,“ - აცხადებს ნინო ბურჯანაძე.