„ერთიანი ნაციონალური მოძრაობის“ წარმომადგენლები დავით ბაქრაძე, გიგა ბოკერია, ირმა ნადირაშვილი და გიორგი კანდელაკი ვიზიტით ვაშინგტონში იმყოფებიან.

მათ შეხვედრები გამართეს სენატსა და კონგრესის წარმომადგენელთა პალატაში.

დღეს პარტიის ლიდერები სენატორ კოტონსა და მაქკეინს შეხვდნენ. შეხვედრებზე მთავარ თემას ნატო-სთან ურთიერთობა და აშშ-ს როგორც სტრატეგიული პარტნიორი სახელმწიფოს ყურადღების ცენტრში საქართველოს ინტერესების შენარჩუნება წარმოადგენდა.

პარტიის ლიდერები ასევე შეხვდებიან აშშ-ს სახელმწიფო მდივნის მოადგილე ვიქტორია ნულანდს.