დიასპორის საკითხებში სახელმწიფო მინისტრს გელა დუმბაძეს „გაზპრომთან“ დაკავშირებით კითხვები აღარ აქვს. ამის შესახებ დუმბაძემ ჟურნალისტებთან საუბრისას განაცხადა.

მისი თქმით, „გაზპრომთან“ მოლაპარაკებების შესახებ დამატებითი ინფორმაცია მიიღო.

"მეტი კომუნიკაცია იყო ამ თემასთან დაკავშირებით და მგონი საზოგადეობას ამ თემასთან დაკავშირებით აქვს საკმარისი კომუნიკაცია. მე მივიღე როგორც მოქალაქემ დამატებითი ინფორმაცია და როგორც ჩემი ქვეყნის შვილმა მივიღე ინფორმაცია და ვადვნებ თვალყურს ამ თემას. ეჭვები მე არ გამაჩნია",- განაცხადა დუმბაძემ.

შეგახსენებთ, დუმბაძემ ორი თვის წინ განაცხადა, რომ "გაზპრომთან" მიმდინარე მოლაპარაკებებს ნეგატიურად აფასებდა და აღნიშნულ საკითხთან დაკავშირებით კითხვები ჰქონდა.