"მოჭრილი ხეები გატყევებული თბილისის ნაცვლად და მორიგი არამიზნობრივი ხარჯი ბიუჯეტიდან

"მოჭრილი ხეები გატყევებული თბილისის ნაცვლად და მორიგი არამიზნობრივი ხარჯი ბიუჯეტიდან - ვის დასცინის ნარმანია?"

პოლიტიკა - 14:55, 08 Dec, 2015

1692

თბილისის საკრებულოს წევრი ალეკო ელისაშვილი დავით ნარმანიას 1 წლის ანგარიშს მერიის საქმიანობის შესახებ მწვავედ აკრიტიკებს. დამოუკიდებელი დეპუტატი უკმაყოფილოა იმ ფაქტით, რომ დედქალაქის მერმა პრეზენტაცია "რედისონში" გამართა, მაშინ, როცა ამის გაკეთება საკრებულოს ფოიეში სრულიად უფასოდ შეეძლო.

"დავით ნარმანიამ "რედისონის" დაქირავებაში თბილისის ბიუჯეტიდან, მოსახლეობის ჯიბიდან გადაიხადა ფული, მაშინ როცა შეეძლო საკრებულოში მოსულიყო და ფოიეში სრულიად უფასოდ გაეკეთებინა პრეზენტაცია. არაჩეულებრივი საპრეზენტაციო სივრცეა ფოიეში, სადაც თითქმის ყოველ საღამოს იმართება რიგი ღონისძიებები. მათ შორის უცხოელების მხრიდან. ნარმანიამ კი თანხა არ დაზოგა და არაფრის პრეზენტაციისთვის აირჩია სასტუმრო"- აღნიშნა დეპუტატმა "ნიუპოსტთან" საუბრისას.
რაც შეეხება ნარმანიას მიერ გზების მყარად დაგბასა და ერთწლიანი მუშაობის შედეგად 480 ათასი ხის დაირგვის შესახებ გაკეთებულ განცხადებას, ალეკო ელისაშვილმა თქვა, რომ "მისთვის ამოუცნობია ვის დასცინის თბილისის მერი".
"თავის თავს დასცინის ნარმანია? - ჩვენ დაგვცინის? ეს ჩემთვის გაურკვეველია, მაჩვენეთ ნახევარი მილიონი ხე? ამდენი, რომ დაერგო ბატონ დავითს, თბილისში ვერ გავივლიდით, გატყევებული თბილისი მე ვერ ვნახე, სამაგიეროდ ყველამ ვიხილეთ მოჭრილი ხეები. უზარმაზარი 70-80 წლის ხეები ისე მოჭრეს, რომ არავის კითხეს. მოსახლეობის დახმარებით არაერთი სკვერი გამოვგლიჯეთ ხელიდან, იქაც უნდოდათ ხეების მოჭრა"- განაცხადა ელისაშვილმა.
საკრებულოს დამოუკიდებელი დეპუტატის თქმით, "ნარმანია დღეს სხვა ქალაქზე აკეთებდა პრეზენტაციას".
"ნარმანიას ეუბნებიან ალბათ, რომ ამსტერდამის მერია სინამდვილეში და ის არა თბილიისის არამედ ამ ქალაქის მოსახლეობამ აირჩია. არ უნდა ჰაერზე იმის ძახილი, რომ 1 მილიონ კვადრატულ მეტრამდე ხარისხიანი გზა დაიგო, გაიარონ გაგარინის მოედანზე, რა ხარისხის ასფალტია და რა ხარისხის სამუშაოები მიმდინარეობს"- დასძინა ალეკო ელისაშვილმა.