თუ ვინმეს ჩემი პერსონა არ მოწონს, ამას ქვეყნის ინტერესების გამო უნდა გადააბიჯოს- მარგველაშვილი

პოლიტიკა - 22:00, 07 Dec, 2015

1696

საქართველოს პრეზიდენტმა კომენტარი უშიშროების საბჭოს გარშემო განვითარებულ მოვლენებზე და სხდომაზე პრემიერის არდასწრებასთან დაკავშირებითაც გააკეთა. მარგველაშვილის თქმით ის თუ ვინმეს მის პერსონა არ მოსწონს, ამას ქვეყნის ინტერესების გამო უნდა გადააბიჯოს და სახელმწიფოსთვის მნიშვნელოვან საკითხებზე შეთანხმება უნდა მოხდეს. ეს განცხადება პრეზიდენტმა ტელეკომპანია „კავკასიის“ ეთერში ისაუბრა.

„მე ვერ აღვიქვავ საკუთარ თავს და თანამდებობას რაიმე ტიპის გამწვავების კონტექსტში. მე არ ვარ დაპირისპირებული არც პიროვნულად და არც თანამდებობრივად. რა შეიძლება მე მინდოდეს ამ პროცესში. მე მაქვს ყველაზე მაღალი ლეგიტიმაცია და ყველაზე მაღალი პოსტი ქვეყანაში. მე არ ვარ დაპირისპირებული არცერთ პოლიტიკურ ძალასთან და თანამდებობის პირთან, თუმცა მე ვისურვებდი მეტ გააზრებას კონსტიტუციური ინსტიტუტების და მათი მნიშვნელობის. უშიშროების საბჭოზე კონკურენტები არ უნდა იყოს, აქ არ გვაქვს ერთმანეთისთვის რაიმე მოსაგები. თუ ვინმეს ჩემი პერსონა არ მოწონს ამას ქვეყნის ინტერესების გამო უნდა გადააბიჯოს.“- აღნიშნა მარგველაშვილმა.

წამყვანის შეკითხვაზე ემსახურება თუ არა უშიშროების საბჭოს მოწვევა ვინმესთვის საკუთარი მნიშვნელობის დამტკიცებას მარგველაშვილმა უპასუხა, რომუშიშროების საბჭოს მოწვევით ის კონსტიტუციურ მოვალეობას ასრულებს და ეს არ ხდება ვინმესთან დასაპირიპირებლად:

„თქვენ მეკითხებით, რომ გიორგი შენ სამსახურებრივ მოვალეობას ასრულებ და იმას აკეთებ, რასაც გავალებს კონსტიტუცია, ამით შენ ძაბავ ვითარებას? ამას მეკითხებით? როგორ შეიძლება ამას ვუპასუხო“- განაცხადა მარგველაშვილმა.