,,ზოგიერთ პოლიტიკოსს საპატრიარქოს ადექვატურმა განცხადებამ ფულის კეთების გეგმები ჩაუშალა“

პოლიტიკა - 18:09, 07 Dec, 2015

2139

პატიმრების შეწყალებასთან დაკავშირებით საქართველოს კათალიკოს-პატრიარქის მოსაზრებას სოციალურ ქსელში ეხმაურება თბილისის საკრებულოს დამოუკიდებელი დეპუტატი ალეკო ელისაშვილი. დეპუტატი პოლიტიკოსების მხრიდან შეწყალების კომისიაში ,,ფულის კეთების“ სურვილზე საუბრობს, რის შესახებაც, ელისაშვილის თქმით, მან ერთი წლის წინ პირადად უამბო მთავარ პროკურორს.

,,არადა, ზოგიერთ პოლიტიკოსს უბრალოდ შეწყალების კომისიაში ფულის კეთების არხი აქვს დიდი ხანია გადაკეტილი და ეს აწვალებს. ახლა, ხელებისფშვნეტით იფიქრეს პატრიარქს ამოფარებულებმა იქნებ როგორმე გავაცოცხლოთ ჩვენი ძველი საქმიანობაო, მაგრამ ვინ აცალა, გუშინვე საპატრიარქოს დამაზუსტებელმა, ძალიან ადეკვატურმა განცხადებამ ჩაუშალა გეგმები. რამოდენიმე პოლიტიკოსი როგორ აპირებდა დიდი ფულის შოვნას პატიმრების შესაძლო შეწყალების ლობირებით დაახლოებით ერთი წლის წინ პირადად ვუამბე ყოფილ მთავარ პროკურორს გიორგი ბადაშვილს. სახელებიც ვუთხარი, გვარებიც და ყველა მონაცემიც რაც გამაჩნდა. სამწუხაროდ მტკიცებულების მოპოვება არც მაშინ შემეძლო და არც ახლა შემიძლია, ბოლო დღეების მანძილზე ძალიან რომ აქტიურობდნენ სწორედ ის რამოდენიმე პოლიტიკოსია. ამ და სხვა დაუსჯელობით გალაღებულ, კორუმპირებულ ადამიანებს რომ ვუყურებ ლამის პროკურორობა ვინატრო უკვე“ - წერს ალეკო ელისაშვილი.