,,ნიუპოსტის“ კითხვა ჩერნოვეცკის - ,,არის თუ არა რუსეთი ოკუპანტი?“

,,ნიუპოსტის“ კითხვა ჩერნოვეცკის - ,,არის თუ არა რუსეთი ოკუპანტი?“ - რა პასუხი აქვს კიევის ყოფილ მერს

პოლიტიკა - 19:43, 05 Dec, 2015

6977

კიევის ყოფილი მერი საქართველოში პოლიტიკურ პარტიას აფუძნებს, ამის შესახებ ჩერნოვეცკიმ ქობულეთში ჟურნალისტებთან მისივე ფონდის მიერ გამართულ კონფერენციაზე განაცხადა. ლეონიდ ჩერნოვეცკიმ საქართველოში თავის სამომავლო გეგმებზე ისაუბრა და აღნიშნა, რომ საქართველოს არ მიიღებენ ნატოში მანამ , სანამ ქვეყანას ტერიტორიული პრობლემები გააჩნია. მისივე თქმით, ამ საკითხის გადაწყვეტა მხოლოდ მშვიდობიანი გზით უნდა მოხდეს.

ლეონიდ ჩერნოვეცკის მის საგარეო ორიენტირებთან დაკავშირებით ,,ნიუპოსტის“ ჟურნალისტმა კითხვა დაუსვა:

_თქვენ სიტყვით გამოსვლისას ახსენეთ, რომ არ საუბრობთ უკრიანიულად და აზროვნებთ რუსულად. გვაინტერესებს თქვენი საგარო ორიენტაციის შესახებ. შეგახსენებთ, რომ თქვენ აფუძნებთ პოლიტიკური პარტიას იმ ქვეყანაში, რომლის ტერიტორიების 20% არის რუსეთის მიერ ოკუპირებული. გეკითხებით, არის თუ არა რუსეთი ოკუპანტი? და როგორია თქვენი ხედვა - საქართველო ევრაზიულ კავშირში თუ საქართველო ნატოსა და ევროკავშირში?

_მე სულით ხორცამდე ევროპელი ვარ. მე არჩეული მაქვს ევროპული კურსი.

რამდენიმე მცდელობის მიუხედავად ჩერნოვეცკიმ ოკუპაციასთან დაკავსრიებით კითხვას არ უპასუხა და არც იმას, თუ როგორ ხედავს ის კონფლიქტიდან გამოსავალს.

თუმცა ცალსახად განაცხადა, რომ ის არის ევროპელი.