ბევრი ადამიანი გამოჩნდება მხარდამჭერი, რომ პატრიარქს შეწყალების უფლება მიენიჭოს- ეკა ბესელია

პოლიტიკა - 15:53, 05 Dec, 2015

1824

პატრიარქის ინიციატივას , მისთვის პატიმრების შეწყალების უფლების მინიჭების თაობაზე, პარლამენტის ადამიანის უფლებათა დაცვის კომიტეტის თავმჯდომარე ეკა ბესელია გამოეხმაურა. ბესელიას თქმით, საქართველოს პატრიარქს აქვს საზოგადოების ყველაზე მაღალი ნდობა და მას უნდა ჰქონდეს პატიმრების შეწყალების უფლება.

“საქართველოს პატრიარქსაც უნდა ჰქონდეს ეს განსაკუთრებული უფლება, როგორც ადამიანს, რომელსაც აქვს ყველაზე მაღალი ნდობა საზოგადოების. თუ ეს პოლიტიკური თანხმობა იქნება, მე დარწმუნებული ვარ, რომ ძალიან ბევრი ადამიანი გამოჩნდება მხარდამჭერი, რომ ეს შესაძლებლობა და უფლება საქართველოს პატრიარქს საკანონმდებლო დონეზე მიენიჭოს”, – განაცხადა ეკა ბესელიამ.

ცნობისთვის, ილია II-ის მოსაზრებით პატიმრების შეწყალების უფლება პრეზიდენტის გარდა პატრიარქსაც უნდა ქონდეს. ამასთან დაკავშირებით პატრიარქმა რუსთაველის თეატრში პატიმრების მონაწილეობით გამართული სპექტაკლის შემდეგ ისაუბრა:

"ვფიქრობ, რომ პატრიარქს უნდა ქონდეს უფლება შეიწყალოს პატიმრები და ბრალდებულები. ჩვენ ამაზე ვესაუბრეთ პრემიერ-მინისტრს და იმედი გვაქვს, რომ დააყენებს ამ საკითხს", - განაცხადა პატრიარქმა.