რა სტატუსით მონაწილეობს ოკუპირებული აფხაზეთი საბერძნეთში ტურისტულ გამოფენაში?

პოლიტიკა - 17:25, 05 Dec, 2015

2248

ოკუპირებული აფხაზეთის მარიონეტული რეჟიმის ე.წ. „სავაჭრო-სამრეწველო პალატის“ ოფიციალურ საიტზე გამოქვეყნდა ინფორმაცია, რომლის თანახმადაც 4 დეკემბერს, საბერძნეთის დედაქალაქ ათენში, გაიხსნა საერთაშორისო ტურისტული გამოფენა "GREEK TOURISM EXPO", რომელიც საბერძნეთის ტურიზმისა და საზღვაო ნაოსნობის სამინისტროს ეგიდით. საიტის ინფორმაციით, გამოფენაში მონაწილე 120 ტურისტულ ორგანიზაციათა შორის არის ე.წ. „აფხაზეთის რესპუბლიკის სავაჭრო-სამრეწველო პალატა“.

„ჩვენ პირველად ვმონაწილეობთ ასეთ გამოფენაში. საბერძნეთი ჩვენი მეგობარი ქვეყანაა, რადგან მის ტერიტორიაზე დღემდე ათასობით ბერძენი ცხოვრობს. ამასთან, თუ ისტორიას გავიხსენებთ, სწორედ ბერძნებმა დაარსეს სებასტოპოლისი, პიტიუსი და დიოსკურია. (შეგახსენებთ, დიოსკურია სოხუმის ტერიტორიაზე მდებარე ძველბერძნული ქალაქის სახელწოდებაა, რომელსაც რომაელებმა დაპყრობის შემდეგ სებასტოპოლისი უწოდეს, ხოლო პიტიუსი (პიტიუნტი) დღევანდელი ბიჭვინთის ტერიტორიაზე მდებარეობდა. "ნიუპოსტის" შენიშვნა)

ამიტომაც ჩვენ დიდი სიხარულით მივიღეთ გამოფენაში მონაწილეობის მიღების მოწვევა. ჩვენ არ შეგვეძლო უარი გვეთქვა შანსზე, რომ მთელი მსოფლიოსათვის წარგვედგინა რესპუბლიკა აფხაზეთი,“ - აცხადებს „სავაჭრო სამრეწველო პალატის ხელმძღვანელი გენადი გაგულია.