აპც- "გირჩი" საარჩევნო სისტემასთან დაკავშირებით პარლამენტში ახალი პროექტის წარდგენას აპირებს

პოლიტიკა - 10:43, 05 Dec, 2015

1603

ახალი პოლიტიკური ცენტრი - „გირჩი“ საარჩევნო სისტემასთან დაკავშირებით უმრავლესობის მიერ შემუშავებულ პროექტს აკრიტიკებს. „გირჩის“ წარმომადგენლების განცხადებით ამ პროექტის ხარვეზების გამო მაჟორიტარული არჩევის წესი ან/და არჩეული დეპუტატების ლეგიტიმაცია შესაძლოა დადგეს კითხვის ნიშნის ქვეშ, რაც 2016 წლის არჩევნების მთავარი პრობლემა იქნება. „გირჩი“ პარლამენტში ახალი პროექტის წარდგენას აპირებს. რომელშიც, მათი თქმით, გათვალისწინებული იქნება კონსტიტუციით დადგენილი მაჟორიტარული მანდატების განაწილების ახალი მოდელი.

აპც- „გირჩის“ ინიციატივა რაიონების და ქალაქების 2, 3 და 4 მანდატიან ოლქებად დაყოფას ითვალისწინებს და ამასთანავე ერთი მაჟორიტარული მანდატი გადაეცემა საქართველოს ფარგლებს გარეთ მცხოვრებ ქართულ დიასპორას. ამ თემასთან დაკავშირებით „გირჩის“ განცხადებას „ნიუპოსტი“ უცვლელად გთავაზობთ:

„რამოდენიმე დღის წინ საპარლამენტო უმრავლესობის მიერ ინიცირებული იქნა საპარლამენტო არჩევნებში მაჟორიტარული მანდატების განაწინელბის ახალი წესი. ხელისუფლება ცდილობს ძალაში დატოვოს ერთმანდატიანი მაჟორიტარული არჩევნების მოდელი. წარმოდგენილ ვარიანტს აქვს რამოდენიმე არსებითი ხარვეზი:

1. ახალი დანაწილებით არ არის დაცული მაჟორიტარულ ოლქებში ამომრჩეველთა რაოდენობებს შორის 10%-იანი ზღვარი, რაზეც თავის გადაწყვეტილებაში მიუთითებდა საკონსტიტუციო სასამართლო და რასაც ითვალისწინებს ევროპის საბჭოს საუკეთესო პრაქტიკის დოკუმენტი.

2. რაიონები და ქალაქები დაჩეხილია ხელოვნურად და ერთი რაიონის სოფლები მიკუთვნებულია სხვა რაიონისა ან ქალაქისათვის, რაც ძალიან ბევრ გაუგებრობებს გამოიწვევს ამომრჩევლებისათვის.

3. მსგავს განაწილებას და არჩევის წესს არ აქვს არცერთი პოლიტიკური გაერთიანების მხარდაჭერა.

ყველაფერი ზემოთქმული გვაფიქრებინებს, რომ მაჟორიტარული არჩევის წესი ან/და არჩეული დეპუტატების ლეგიტიმაცია შესაძლოა დადგეს კითხვის ნიშნის ქვეშ, რაც 2016 წლის არჩევნების მთავარი პრობლემა იქნება.

ახალი პოლიტიკური ცენტრი „გირჩი“ უახლოეს ბიუროს სხდომაზე, საქართველოს პარლამენტში წარადგენს ცვლილებებს საარჩევნო კოდექსში, რომლითაც გათვალისწინებული იქნება კონსტიტუციით დადგენილი მაჟორიტარული მანდატების განაწილების ახალი მოდელი.

ამ მოდელის მიხედვით:

1. რაიონები და ქალაქები ამომრჩევლების რაოდენობასთან შესაბამისად იყოფიან 2, 3 და 4 მანდატიან ოლქებად. გამონაკლისია რაჭა-ლეჩხუმი - ქვემო სვანეთი, რომელიც იქნება ერთმანდატიანი მაჟორიტარული ოლქი.

2. 2, 3 და 4 მანდატიან ოლქებში მანდატების განაწილების წესით გამარჯვებულის გარდა, ერთ მანდატს გარანტირებულად მიიღებს მინიმუმ ერთი სხვა საარჩევნო სუბიექტიც.

3. ერთი მაჟორიტარული მანდატი გადაეცემა საქართველოს ფარგლებს გარეთ მცხოვრებ ქართულ დიასპორას და ხმის მიცემის უფლებით ისარგებლებს ყველა იმ ქვეყანაში მყოფი ჩვენი თანამოქალაქე, რომელთანაც საქართველოს აქვს დიპლომატიური ურთიერთობები.

ახალი პოლიტიკური ცენტრი „გირჩი“ მზადაა გამართოს ღია კონსულტაციები ყველა პოლიტიკური გაერთიანების წარმომადგენლებთან, რომლებსაც მიაჩნიათ, რომ არსებული საარჩევნო მოდელით გათვალისწინებული ერთმანდატიანი მაჟორიტარული სისტემა უნდა შეიცვალოს.“- აღნიშნულია განცხადებაში

„გირჩი“ ქვეყნის მასშტაბით მაჟორიტარული მანდატების გადანაწილებაის სქემასაც აქვეყნებს

თბილისი - 6 სამმანდატიანი მაჟორიტარული ოლქი.

ოთხმანდატიანი მაჟორიტარული ოლქები:

1.მესტია, აბაშა, სენაკი, მარტვილი, ხობი, წალენჯიხა, ფოთი

2.ქედა, ქობულეთი, შუახევი, ხულო, ხელვაჩაური

სამმანდატიანი მაჟორიტარული ოლქები:

1.საგარეჯო, გურჯაანი, სიღნაღი, დედოფლისწყარო

2.ლაგოდეხი, ყვარელი, თელავი, ახმეტა

3.გარდაბანი, მარნეული

4.კასპი, ქარელი, ხაშური

5.ბოლნისი, დმანისი, წალკა, თეთრიწყარო

6.ხარაგაული, თერჯოლა, ვანი, ტყიბული, ბაღდათი

7.ზესტაფონი, ჭიათურა, საჩხერე