აშშ-ის ელჩი იან კელი ნატოს საგარეო საქმეთა მინისტერიალის შედეგებს კიდევ ერთხელ ეხმაურება და დარწმუნებულია, რომ ნატოს წევრი საქართვეოც გახდება. იგი დადებითად აფასებს ჩრდილო-ატლანტიკურ ალიანსში მონტენეგროს მიწვევას.

„ჩემთვის სასიხარულოა, რომ ნატოს მინისტერიალზე მონტენეგრომ მიიღო მიწვევა ჩრდილოეთ ატლანტიკურ ალიანსში. საქართველოსთვის ეს ნიშნავს იმას, რომ ნატოს ღია კარის პოლიტიკა გრძელდება. ჩვენ გვჯერა, რომ საქართველო ნატო-ს წევრი გახდება“, - განაცხადა იან კელიმ.

ნატომ ერთობლივი კომუნიკე, რომელიც მინისტერიალის შემდეგ იქნა მიღებული, ორი დღის წინ გამოაქვეყნა. კომუნიკეში აღნიშნულია, რომ 2008 წლის ბუქარესტის სამიტის გადაწყვეტილების თანახმად, საქართველო გახდება ნატოს წევრი ქვეყანა MAP-ის დახმარებით.