პრეზიდენტის სასახლეში უშიშროების საბჭოს სხდომა მიმდინარეობს, რომელსაც გიორგი მარგველაშვილი ხელმძღვანელობს.

სხდომას ესწრებიან პარლამენტის თავმჯდომარე, თავდაცვის მინისტრი თინა ხიდაშელი, შინაგან საქმეთა მინისტრი გიორგი მღებრიშვილი, სუს-ის უფროსი ვახტანგ გომელაური, თავდაცვისა და უშიშროების კომიტეტის თავმჯდომარე ირაკლი სესიაშვილი, უშიშროების საბჭოს მდივანი ირინე იმერლიშვილი და შეიარაღებული ძალების გენერალური შტაბის უფროსი ვახტანგ.

უშიშროების საბჭოს სხდომის მთავარი თემა არსებული და გაზრდილი რისკებიდან გამომდინარე თავდაცვის ორგანიზებასთან დაკავშირებული ღონისძიებები იქნება.

ქვეყანაში არყოფნის გამო სხდომას საგარეო უწყების ხელმძღვანელი გიორგი კვირიკაშვილი და საქართველოს პარლამენტის საგარეო ურთიერთობათა კომიტეტის თავმჯდომარე თედო ჯაფარიძე ვერ დაესწრებიან.