საქართველოში ევროკავშირის ელჩის იანოშ ჰერმანის თქმით, ვიზალიბერალიზაცია როგორც საქართველოს, ისე ევროკავშირის სურვილი და ინტერესიცაა.

მისი თქმით, ქვეყანამ მნიშვნელოვან პროგრესს მიაღწია. თუმცა როგორი იქნება გადაწყვეტილება ვიზალიბერალიზაციასთან დაკავშირებით, ელჩი პროგნოზს ვერ აკეთებს.

"ფედერიკა მოგერინი, კომისარი ჰანი, რომლებიც იმყოფებოდნენ ვიზიტით საქართველოში, ხედავენ და აღიარებენ, რომ ქვეყანამ მიაღწია მნიშვნელოვან პროგრესს. მე არ შემიძლია გითხრათ, რა ჩაიწერება საბოლოო დოკუმენტში, თუმცა უნდა აღვნიშნო, რომ წარმატების მიღწევა ვიზალიბერალიზაციის პროცესში, არა მხოლოდ საქართველოს, არამედ ევროკავშირის სურვილი და ინტერესიცაა," - აღნიშნა იანოშ ჰერმანმა.