„ნაციონალური მოძრაობის“ წევრი ირმა ნადირაშვილი პრემიერს სახელმწიფო ინსტიტუტების მიმართ უპატივცემულობაში ადანაშაულებს.

მისი თქმით, სწორედ ამის დასტურია ის, რომ ღარიბაშვილი უშიშროების საბჭოს სხდომებს არ ესწრება.

„ვეღარც კი ვითვლი ეს კუკუდამალობანის მერამდენე რაუნდია. მივა, არ მივა, დაესწრება, არ დაესწრება... ფაქტია, რომ ღარიბაშვილი არის უპასუხისმგებლო ადამიანი. მას აქვს ერთადერთი მიზანი, რომ ბოლომდე გამოუთხაროს ძირის სახელმწიფო ინსტიტუტებს, მათ შორის პრეზიდენტის ინსტიტუტს, რომ აღარავინ ჰყავდეს გამკონტრელებელი, რათა ბოლომდე ჩაერთოს კორუფციაში თავის ნათესავებთან ერთად“, - განაცხადა ნადირაშვილმა.

უშიშროების საბჭოს სხდომა დღეს პრეზიდენტის ადმინისტრაციაში 16:00 საათზე გაიმართება.

ცნობილია რომ ქვეყანაში არყოფნის გამო სხდომას საგარეო უწყების ხელმძღვანელი გიორგი კვირიკაშვილი და საქართველოს პარლამენტის საგარეო ურთიერთობათა კომიტეტის თავმჯდომარე თედო ჯაფარიძე ვერ დაესწრებიან. სხდომას ასევე არ ესწრება პრემიერ-მინისტრი ირაჯლი ღარიბაშვილიც თუმცა მისი არდასწრების მიზეზი ცნობილი არაა.