შინაგან საქმეთა მინისტრი გიორგი მღებრიშვილი ადასტურებს ინფორმაციას, რომ საქართველოში მარჯვენასაჭიანი მანქანების იმპორტი აიკრძალება.

როგორც გიორგი მღებრიშვილმა განაცხადა, მთავრობის დღევანდელ სხდომაზე გადაწყდება კონკრეტული დრო, თუ როდიდან მოხდება იმპორტის აკრძალვა.

„ტელევიზიით გაჟღერდა თითქოს მარჯვენასაჭიან ავტომობილებზე შემოგვაქვს რაღაც რეგულაციები. ეს არის აბსოლუტურად ტყუილი. მსგავსი არაფერი არ იგეგმება. მფლობელებს, ვისაც გააჩნიათ მარჯვენასაჭიანი ავტომობილები ან გადატანილი საჭით ავტომობილები და ისინი უკვე არიან რეგისტრირებული, შეუძლიათ მთელი ცხოვრება გამოიყენონ ეს მანქანები. ჩვენ მათ არ ვეხებით. უბრალოდ, რაზეც შევთანხმდებით იმ დროიდან, მას შემდეგ აიკრძალება მარჯვენასაჭიანი ავტომობილების რეგისტრაცია. ასეთი რამ მსოფლიოს 2 ქვეყანაშია, სადაც მარჯვენასაჭიანი მანქანებით არის ნებადართული გადაადგილება, ეს ქვეყნებია ავღანეთი და ბირმა. თუ ჩვენ გვინდა დავემსგავსოთ ავღანეთს და ბირმას, შეგვიძლია დავრჩეთ იგივე რეჟიმში და გავაგრძელოთ ამ ავტომანქანების იმპორტი. მაგრამ მაქსიმალური პროცენტი ყველა ევროპულ ქვეყანაში არის 10%“, - აღნიშნა მღებრიშვილმა.

დღეს შინაგან საქმეთა სამინისტროში საგზაო მოძრაობის უსაფრთხოების პროგრამის პრეზენტაცია გაიმართება. მარჯვენასაჭიანი მანქანების იმპორტის აკრძალვა ამ პროგრამის ნაწილია.