დაჯდებიან პარტიაში ბიჭები და წერენ სიას, ქალები უნდათ პლაკატების გამკვრელებად მარტო

დაჯდებიან პარტიაში ბიჭები და წერენ სიას, ქალები უნდათ პლაკატების გამკვრელებად მარტო - წულუკიანი

პოლიტიკა - 18:09, 02 Dec, 2015

1714

პარლამენტში ქალთა წარმომადგენლობის გაზრდის საკითხზე დღეს საკანონმდებლო ორგანოში მმართველი გუნდის წარმომადგენლებს შორის დებატები გაიმართა. იურიდიულმა კომიტეტმა ორ ინიციატივაზე იმსჯელა. სამოქალაქო სექტორის მიერ მომზადებული პროექტი 50/50 პრინციპს გულისხმობს, ხოლო ყეინიშვილი-ჭკუასელის პროექტი პარტიულ სიაში ყოველი მესამე განსხვავებული სქესის ადამიანის ყოფნას ითვალისწინებს.

კომიტეტის სხდომაზე მივიდა იუსტიციის მინისტრი რომელმაც პოლიტიკაში ქალთა წარმომადგენლობის გაზრდას მხარი დაუჭირა და სინანული გამოთქვა, რომ ამ საკითხის მხარდამჭერები მთავრობაში უმცირესობაში არიან.

„მამაკაცებს ძირითადად ჰგონიათ, რომ ფემინიზმი არის სალანძღავი სიტყვა, მე კი მეამაყება, რომ ვარ ფემინისტი. ფემინისზმი არ ნიშნავს იმას, რომ ზოგიერთს შეიძლება ეგონოს მე მინდა გავხდე შტანგისტი ან ძიუდოისტი. ხანდახან მიწევს კაცივით ქცევა, რომ საკუთარი უფლებები დავიცვა, მაგალითად ჩხუბი, რაც არ არის ქალისთვის კარგი სანახავი, მაგრამ ხშირად მიწევს, რომ ქალის უფლებები პარტიაში იყოს დაცული. დაჯდებიან პარტიაში ბიჭები და წერენ სიას, ქალები უნდათ პლაკატების გამკვრელებად მარტო. მე საერთოდ არ მყავს პარტია, მითუმეტეს მე ჩემთვის არ ვლაპარაკობ და არ არის რისკი, რომ რომელიმე პარტიულ სიაზე ვლაპარაკობდე. არ მყავს პარტია და ალბათ პარტიულ სიაშიც არ უნდა ვიყო და არც ვიქნები.“- განაცხადა თეა წულუკიანმა.