ხელისუფლება არათანმიმდევრული და არაკოორდინირებულია - ოპოზიცია კომუნიკეში ჩაწერილ შენიშვნებზე

პოლიტიკა - 17:33, 02 Dec, 2015

1417

ბრიუსელში ნატოს საგარეო საქმეთა მინისტერიალის მიერ მიღებულ კომუნიკეს, სადაც საქართველოს შესახებაც არის საუბარი ქართველი პოლიტიკოსები აფასებენ.

ოპოზიცია ყურადღებას კომუნიკეში არსებულ ჩანაწერზე ამახვილებს, რომელიც მედიის თავისუფლებას და კანონის უზენაესობის კუთხით არსებულ მდგომარეობას ეხება.

"სამწუხაროდ გაჩნდა ჩანაწერი კომუნიკეში სადაც ნატო მიუთითებს იმ ვითარებაზე რაც ქვეყანაში არის კერძოდ მედიის თავისუფლებისა და კანონის უზენაესობის კუთხით. ეს საკითხები კომუნიკეში ნახსენებია როგორც პრობლემური საკითხი, რომელსაც ყურადღების გამახვილება და ძალისხმევა ჭირდება. ჩვენ გვინდა რომ რაც შეიძლება სწრაფად შევიდეთ ნატოში. მიუხედავად იმისა, რას აკეთებს საქართვეოს მთავრობა ჩვენ მუდმივად მოვუწოდებთ მათ, რომ საქართველო რაც შეიძლება მალე გაწევრიანდეს ნატოში,"- განაცხადა ერთიანი ნაციონალური მოძრაობის წევრმა ზურაბ ჭიაბერაშვილმა.

ნატოში ინტეგრაციის გზაზე მთავრობის ჩავარდნაზე საუბრობენ თავისუფალი დემოკრატებიც.

როგორც მაია ფანჯიკიძემ "ნიუპოსტს" უთხრა, "NATO - ში მედიისა და სასამრთლოების თავისუფლებაზე ისევ მიგვითითებენ".

"ჩვენ არ უნდა შევწყვიტოთ ნატპოს კარზე კაკუნი და არასდროს არავინ არ უნდა თქვას მსგავსი ფრაზა, რაც გააჟღერა ირაკლი ღარიბაშვილმა, რომა თქვა, რომ „დადგება დრო როცა საქართველო ნატოს წევრობისთვის მზად იქნება“, ჩვენ ყიველდღიურად უნდა გავაკეთოთ განცხადებები, ყველა ტრიბუნიდან რომ ნატო ჩვენი ქვეყნის პოლიტიკური პრიორიტეტია"- აღნიშნა საგარეო საქმეთა ყოფილმა მინისტრმა.

არაკოორდინირებული და არათანმიმდევრული უწოდეს ხელისუფლებას ახალ პოლიტიკურ ცენტრ "გირჩში".

"მთავარი პრობლემა რაც ჩანს არის ის, რომ დღევანელი ხელისუფლება არათანმიმდევრულია და არაკოორდინირებულობაა. ხედავს ყველა რომ საქართველოში არის პრობლემები. მაგალითად რუსთავი2-ის თემა მოსამართლე ურთმელიძის საკითხი. ჯამში ეს ყველაფერი აჩენს კითხვებს,"- განაცხადა დეპუტატმა ზურაბ ჯაფარიძემ.