MAP-ის მისაღებად მხოლოდ პოლიტიკური გადაწყვეტილება რჩება

MAP-ის მისაღებად მხოლოდ პოლიტიკური გადაწყვეტილება რჩება - ბაქრაძე ნატოს წევრობაზე

პოლიტიკა - 17:23, 02 Dec, 2015

1111

ევრონტეგრაციის საკითხებში სახელმწიფო მინისტრი დავით ბაქრაძე დადებითად აფასებს ჩრდილო-ატლანტიკური ალიანსის მიერ გამოქვეყნებულ კომუნიკეს, სადაც საქართველოზეც არის საუბარი.

მისი თქმით, ნატოს წარმომადგენლების განცხადება, რომ საქართველოს ალიანსში გასაწევრიანებლად ყველა ინტრუმენტი აქვს ნიშნავს იმას, რომ მაპი მხოლოდ პოლიტიკურ ფუნქციას იძენს.

დავით ბაქრაძემ ყურადღება გაამახვილა კომუნიკეს იმ ნაწილზე, სადაც საუბარია, რომ ვარშავის სამიტამდე ნატო საქართველოს მხარდაჭერას გააძლიერებს.

მინისტრის თქმით, მნიშვნელოვანია ისიც, რომ ნატო ღია კარის პოლიტიკას ძალაში ტოვებს:

„ჩვენ გამოგვიგზავნა მნიშვნელოვანი გზავნილები ჩრდილო-ატლანტიკური ხელშეკრულების ორგანიზაციამ, რომ საქართველოს პრაქტიკულად ყველა ინსტრუმენტი აქვს, რათა გააგრძელოს სწრაფვა წევრობისთვის, რაც ნიშნავს, რომ წევრობის სამოქმედო გეგმა (MAP) ამ შემთხვევაში რჩება პოლიტიკური გადაწყვეტილების ნაწილად, რომელიც ნებისმიერ შემთხვევაში მისაღებია საქართველოსთან მიმართებაში 28 წევრი ქვეყნის მიერ. ასევე აღინიშნა, რომ ამ ინსტრუმენტების სრულად ასამოქმედებლად ნატო დაეხმარება საქართველოს და მოემზადება ვარშავის სამიტისთვის. აქ იქნება ინტენსიური პოლიტიკური დიალოგი, აქ იქნება სხვა მექანიზმები...“, - აღნიშნა მინისტრმა.