"საერთოდ ვერ ვხედავთ პრემიერის აქტივობას საგარეო პოლიტიკის მიმართულებით"- ენმს კრიტიკა მთავრობას

პოლიტიკა - 13:14, 02 Dec, 2015

1053

საქართველოს მთავრობის საგარეო პოლიტიკა კიდევ ერთხელ გააკრიტიკეს დღეს ნაციონალური მოძრაობის ლიდერებმა.

ოპოზიცია, მიიჩნევს, რომ საერთაშორისო ასპარეზზე პრემიერ-მინისტრს მეტი აქტიურობა მართებს.

დეპუტატმა გიორგი კანდელაკმა აღნიშნა, რომ მაპის მონიჭების საკითხი თავდაცვის მინისტრის კონფერენციაზე გამოსვლით არ წყდება.

"ხიდაშელი რომელიმე კონფერენციაზე სიტყვით გამოვა თუ არ გამოვა ასე მაპის მონიჭება და გაწევრიანების საკითხი არ წყდება. მთავრობის მეთაური არის პრემიერ-მინისტრი და საერთოს ვერ ვხედავთ მის აქტიურობას. არ გვინახავს მისი ვიზიტები, არც ლობისტური კამპანია ვარშავის სამიტთან დაკავშირებით. მეტიც ქვეყნის შიგნით ვხედავთ მთავრობის ღია ალიანსს პრორუსულ ძალებთან, ღიად პრორუსული მედიასაშუალებების ბიუჯეტიდან დაფინანსებას რეალურად ძირს უთხრის საქართველოს პროდასავლურ კურსს,"- განაცხადა გიორგი კანდელაკმა.

ენმ-ს წევრი დავით დარჩიაშვილი კი ამბობს, რომ ხელისუფლების საგარეო პოლტიკა შემაწუხებელიც კი უნდა იყოს.

"ხელისუფლებამ 2 რამ უნდა გააკეთოს. ერთი შიდა რეფორმები, ნატო თავდაცვითი ალიანსი არ არის მხოლოდ. ნატოს წევრობას ჭირდება, სასამართლო დამოუკიდებლობა მედია პლურალიზმიც, ტოლერანტობაც და ა.შ ამ მხრივ ქვეყანაში პრობლემებია.

მეორე, უნდა იყოს ძალიან აქტიური საგარეო პოლიტიკაში. ის უნდა იყოს შემაწუხებელი ნატოს წევრობისათვის, უნდა ვიყოთ აქტიურები, რომ საქართველო ნტოს რადარზე სულ იყოს," აღნიშნა დავით დარჩიაშვილმა.