ჩვენ დროს ერთი ბენეფიციარის კვებისთვის 69 ცენტი იყო გამოყოფილი, ახლა კი 48 ცენტია

ჩვენ დროს ერთი ბენეფიციარის კვებისთვის 69 ცენტი იყო გამოყოფილი, ახლა კი 48 ცენტია - უგრეხელიძე

პოლიტიკა - 22:47, 01 Dec, 2015

1649

თბილისის საკრებულოში ერთიანი ნაციონალური მოძრაობის წარმომადგენელი ამბობს, რომ წინა ხელისუფლების დროს ერთი ბენეფიციარის კვებისთვის 69 ცენტი იყო გამოყოფილი, ახლა კი 48 ცენტია.

"ჩვენ დროს 69 ცენტი იყო და ახლა 48 ცენტი გამოდის. 50 თეთრით არის განსხვავება და, ცხადია, ხარისხი დაეცემა. საკრებულოს შეუძლია, შეცვალოს ეს ჩანაწერი,"- აცხადებს სევდია უგრეხელიძე.

უგრეხელიძემ "არჩევანის" სტუდიაში ასევე განაცხადა, რომ ბენეფიციართა რაოდენობა იზრდება.

მისი ნფორმაციით, 2014 წელს ბენეფიციართა რაოდენობა 13 000 იყო, 2015 წელს კი 22 704-ით დაიწყო და 26 000-ით დასრულდა.

სევდია უგრეხელიძის განცხადებით, მომდევნო წელი 32 000 ბენეფიციარზე იგეგმება.

ერთიანი ნაციონალური მოძრაობის წევრი 3 წლის ვადით ტენდერების გაფორმების შესახებაც საუბრობს და აცხადებს, რომ ეს მიდგომა არასწორია, როცა სამი წლით ადრე გეგმავ, რა უნდა ღირდეს ერთი ბენეფიციარის გამოკვება.

"3-წლიანი ტენდერი მისაღები არ არის იმიტომ, რომ გაუფასურდა ლარი, გაძვირდა პროდუქტი. აქედან გამომდინარე, ბენეფიციარებს ვერ მიაწვდიდნენ იმავე ხარიხსის კვებას, როგორსაც ვარაუდობდნენ"- განმარტა დეპუტმა.