რიმა ბერაძე რუსთავი2-ის ჟურნალისტს მისი განცხადების დამახინჯებაში ადანაშაულებს

პოლიტიკა - 22:30, 01 Dec, 2015

1224

ქართული ოცნების საკრებულოს წევრი დეპუტატი, რიმა ბერაძე, რუსთავი2-ის ჟურნალისტს მისი განცხადების დამახინჯებაში ადანაშაულებს.

„მან დაამახინჯა ჩემს მიერ ნათქვამი ფრაზა, მან კონტექსტიდან ამოგლეჯილი, დამახინჯებული დეზინფორმაცია მიაწოდა საზოგადოებას,“ - განაცხადა რიმა ბერაძემ.

საკრებულოს დეპუტატმა აღნიშნა, რომ ჟურნალისტს "დავალება მისცეს" და ურჩია მას "საქმიანობას ასეთი მეთოდებით ნუ გააგრძელებს".

აღნიშნული განცხადებების შემდეგ რიმა ბერაძესა და ჟურნალისტ გიორგი გაბუნიას შორის მწვავე კამათი გაიმართა.

დეპუტატის მტკიცებით, ტელეკომპანია გასული 7 წლის განმავლობაში უფასო სასადილოების თემით არასდროს დაინტერესებულა და, რომ მან ვერ იპოვნა ვერც ერთი სიუჟეტი ამ თემაზე.

რიმა ბერაძის ამ განცხადებას გადაცემის წამყვანმა გიორგი გაბუნიამ "მტკნარი სიცრუე" უწოდა.

გაბუნიას თქმით, რუსთავი 2 დაუმონტაჟებელ მასალას, რომელიც ბერიძის ცნობილ განცხადებას ეხება ხვალ გაუშვებს.

საკრებულოს დეპუტატმა გადაცემა არჩევანში სპეციალისტების მიერ შესწავლილი და ერთი ულუფასთვის საჭირო კალორიების დადგენილებაზეც ისაუბრა და აღნიშნა, რომ ფასი - 1,18 ლარი სატენდერო კომისიამ გასაზღვრა.