„ჩემი შვილი, ბევრ თქვენგანს გაასწრებს და მასტერკლასსაც ჩაუტარებს...“- ჟორდანიას პასუხი „კრიტიკოსებს„

სოც.მედია - 15:05, 01 Dec, 2015

5597

ნინი ქარსელაძის ირგვლივ ატეხილ სკანდალს, სამშობლოსა და შოკოლადის სიყვარულთან დაკავშირებით, ამჯერად, ნინის დედა, ხათუნა ჟორდანია სოციალურ ქსელში ეხმიანება. მან ამ თემასთან დაკავშირებით საკუთარი აზრი და ეჭვი გამოთქვა იმის შესახებ, რომ ალბათ ბევრი ადამიანი ვერც შეედრება ნინის სამშობლოს სიყვარულში.

„ვინაიდან ხათუნას კომენტარი გაინტერესებთ, დიდი სიამოვნებით შემოგთავაზებთ ჩემს მოკრძალებულ, სუბიექტურ აზრს. ვინც უყურა ამ გადაცემას, კითხვაზე, რა გიყვარს სამშობლოზე ძალიან? ნინიმ უპასუხა- დედა, და, ჩემი ოჯახიო.(თუ სწორად მახსოვს?) რა, კიდევ რაო? მგონი, ასე ჰკითხა წამყვანმა და ნინიმ სიცილით- შოკოლადიო. იქვე, რომელიღაც კითხვაზე (თუ მეხსიერება არ მღალატობს), მოყვა, როგორ ცხოვრობდა რამდენიმე ხანი უცხოეთში და როცა ჩამოვედი, ამ ქვეყნის სუნი მენატრებოდაო. ვინც ისე უყურა გადაცემას, რომ აუცილებლად უარყოფითად უნდოდა შეეფასებინა, ენას ძვალი არ აქვს და ჩვენ (ამ სამშობლოზე ასე შეყვარებულ ადამიანებს, ხომ ასე ) გვიადვილდება ადამიანების გაკიცხვა, გადავლა, განსაკუთრებით როცა ის სულ 24 წლისაა. და სამშობლოს სიყვარულზე ბევრი რომ ელაპარაკა, ან ეთქვა თავს გავწირავ ამ ქვეყნისთვისო, ნეტა ყველა კმაყოფილი დარჩებოდა??? ასე, რომ ყველამ თავის გულში ჩაიხედოს და 1000% ვარ დარწმუნებული, რომ ჩემი შვილი, ბევრ თქვენგანს გაასწრებს და მასტერ კლასსაც ჩაუტარებს სამშობლოს სიყვარულში... პატივისცემით ხათუნა ჟორდანია“