,,აფხაზეთი დამოუკიდებელი საქართველოს შემადგენლობაში არ ყოფილა“

,,აფხაზეთი დამოუკიდებელი საქართველოს შემადგენლობაში არ ყოფილა“ - ზაქარეიშვილი

პოლიტიკა - 16:33, 29 Nov, 2015

6002

საქართველოს ფედერაციული მოწყობის შესახებ იდეა, სადაც აფხაზეთს განსაკუთრებული სტატუსი ექნება, არც ინიციატივაა და არც შეთავაზება. ეს ჩემი პოზიციაა - ამის შესახებ განცხადება შერიგებისა და სამოქალაქო თანასწორობის საკითხებში სახელმწიფო მინისტრმა გააკეთა. ზაქარეიშვილი მიიჩნევს, რომ ქართული საზოგადოების პრობლემაა ის, რომ მსგავსი დისკუსიისთვის მზაობა არ არსებობს. მინისტრის თქმით, ამ საკითხზე კონსულტაციებით მთავრობის შიგნით არ მიმდინარეობს.

2004 წელს ჩემი და ჩემი მეგობრების ინიციატივით გამოქვეყნდა ძალიან საინტერესო კონცეცფია ფედერალიზაციაზე. ჩემი პირადი პოზიციაა, როგორც სპეციალისტის ამ სფეროში, რომ საქართველოში ყველაზე კარგი, ეფექტური ფორმა კონფლიქტების მოგვარებისა არის მისი ფედერალიზაციური მოწყობა, ასიმეტრიულ რეგიონალიზმზე დაფუძნებული, ე.ი. სხვადასხვა რეგიონების მიმართ სხვადასხვა სტატუსი. აფხაზების მიმართ განსაკუთრებული სტატუსი უნდა იყოს. მე ამის იქით არ მივდივარ. თუ ვინმეს უკეთესი აზრები აქვს, ღმერთმანი, დაწეროს. 10 წელი გავიდა, ვინმემ რამე შემოგვთავაზა?", - განაცხადა პაატა ზაქარეიშვილმა.

სახელმწიფო მინისტრი აცხადებს, რომ აფხაზეთი დამოუკიდებელი საქართველოს შემადგენლობაში არ ყოფილა და ერთად სახელმწიო მოწყობის გამოცილება, რაც ჩვენ გვახსოვს, საბჭოთა კავშირია. პაატა ზაქარეიშვილი მიიჩნევს, რომ სანამ საქართელო გახდება ევროპული სახელმწიფო, მსჯელობა, თუ როგორი მოწყობა გვინდა, უნდა გაიმართოს არა მათვრობაში, არამედ საზოგადოებაში, რადგან მისი თქმით, დღის წესრიგში დადგება აფხაზეთის სტატუსის განსაზღვრის ამოცანა.

,,ჩვენ გვაქვს ერთადერთი გამოცდილება აფხაზეთთან ერთად სახელმწიფოს მოწყობისა _ ეს არის საბჭოთა კავშირი. რა იყო დავით აღმაშენებლის დროს, მე არ ვიცი და სხვა გამოცდილება ჩვენ არ გვაქვს. აფხაზეთი დამოუკიდებელი საქართველოს შემადგენლობაში არ ყოფილა. ჩვენს თაობას არ გვახსოვს, ყოველ შემთხვევაში, ანუ დღევანდელ ევროპულ რეალობაში ეს არ ყოფილა. ამიტომ, გვინდა ერთია და როგორ ვაპირებთ აფხაზეთი საქართველოს შემადგენლობაში დაბრუნებას, მეორე და საზოგადოება ამაზე უნდა მსჯელობდეს", - განაცხადა ზაქარეიშვილმა.