თავდაცვის მინისტრს თინა ხიდაშელს საქართველოს ნატოში გაწევრიანებასთან დაკავშირებით დადებითი მოლოდინები აქვს.

როგორც ტელეკომპანია „იმედის“ ეთერში ხიდაშელმა განაცხადა, საქართველოს შეუძლია ალიანსში მაპის გარეშე გაწევრიანდეს.

„საქართველო არ ითხოვს მაპს, საქართველო ითხოვს ნატოს წევრობას. მაპი არ არის არც მიზანი და არც ამოცანა. მთავარია, რომ ჩვენ წევრობის გზაზე დავდგეთ. ამის რეალური შანსი და შესაძლებლობა არსებობს. შემიძლია გითხრათ, რომ 1 დეკემბერს საგარეო საქმეთა მინისტერიალიდან გამოსული დოკუმენტი იქნება ძალიან ოპტიმისტური იმ თვალსაზრისით, რაც ვარშავისკენ გზას გაგვიხსის. საქართველო წევრობის გზაზე უნდა დადგეს. შეგვიძლია სრულიად თამამად ვთქვათ, რომ მაპის გარეშეც საქართველოს მაღალი შანსი აქვს, რომ ნატოს წევრობის გზაზე დადგეს“, - განაცხადა ხიდაშელმა.