პრემიერის სპეციალური წარმომადგენლის ზურაბ აბაშიძის თქმით, თუ რუსეთ-თურქეთს შორის სიტუაცია არ განიმუხტა, შესაძლოა ყველა დაზარალდეს და რეგიონში დესტაბილიზაციის საფრთხე შეიქმნას.

აბაშიძე იმედოვნებს, რომ პოლიტიკოსები ვითარების დარეგულირებას გონივრულად მიუდგებიან.

„ეს ორი ქვეყანა თუ არ მორიგდა, შეიძლება სერიოზული შედეგები მოჰყვეს. იმედი მაქვს, ასე არ მოხდება. პატარ-პატარა ელემენტები უკვე ჩვენც ვიგრძენით, ლარსზე პრობლემები შეიქმნა. თუ სატრანზიტო ქვეყანა ვართ, ამით მოგვაქვს თავი და ეს ფუნქცია რაღაცნაირად დაზარალდება, რა თქმა უნდა, ეს ცუდია... სახიფათო ვითარებაა. თვითმფრინავის ჩამოგდება ძალიან სერიოზული ამბავია, მაგრამ ვფიქრობ, ეს სიტუაცია აუცილებლად განიმუხტება“, - განაცხადა აბაშიძემ.