ფინანსთა მინისტრმა იმ რესურსებთან დაკავშირებით ისაუბრა რისი მეშვეობითაც ქვეყანაში პენსიის ზრდა მოხდება. ნოდარ ხადურის განმარტებით ბიუჯეტის მოცულობა გაიზარდა 225 მილიონი ლარით, საიდანაც 90 მილიონი ლარი პენსიის ზრდას მოხმარდება.

„ბიუჯეტში თანხების მოცულობა გადასახადების ხარჯზე გაიზარდა 200 მილიონი ლარით. გარდა ამისა, 25 მილიონი ლარით გაიზრდება არაფინანსური აქტივების კლება, ანუ პრივატიზაციიდან შემოსავლები. ეს არის 225 მილიონი ლარი. აღნიშნული თანხიდან 90 მილიონი ლარი მოხმარდება იმას, რომ პენსია გახდება 180 ლარი", - განაცხადა მინისტრმა.

მთავრობის გადაწყვეტილებით, 2016 წლის 1 ივლისიდან პენსია 180 ლარი გახდება.