გამოვხატავ ჩემს დარწმუნებას იმაში, რომ ევროკომისიის ანგარიში იქნება დადებითი

გამოვხატავ ჩემს დარწმუნებას იმაში, რომ ევროკომისიის ანგარიში იქნება დადებითი - იოჰანეს ჰანი

პოლიტიკა - 11:16, 27 Nov, 2015

1180

გაფართოებისა და სამეზობლო პოლიტიკის საკითხებში ევროკომისრის, იოჰანეს ჰანის თქმით, საქართველო ევროპულ გზაზე მსვლელობას წარმატებით აგრძელებს, შესაბამისად ის დარწმუნებულია, რომ ანგარიში, რომელიც ევროკომისიამ საქართველოსთან დაკავშირებით დეკემბერში უნდა გამოაქვეყნოს, დადებითი იქნება. ამასთან დაკავშირებით ევროკომისარმა საქრათველოს პრეზიდენტთან შეხვედრის დროს ისაუბრა:

"მინდა, ვაღიარო და ვთქვა, რომ საქართველო საკმაო წარმატებას აღწევს ამ თვალსაზრისით. არ იქნება საიდუმლოება, თუ გამოვხატავ ჩემს დარწმუნებას იმაში, ანგარიში, რომელიც გამოქვეყნდება დეკემბრის შუა რიცხვებში იქნება დადებითი. ევროკომისიამ, ევროპარლამენტმა უნდა მიიღოს საბოლოო ჯამში გადაწყვეტილება. ჩვენ კარგად ვაცნობიერებთ, რომ უპირველეს ყოვლისა ამას სჭირდება დრო", - განაცხადა იოჰანეს ჰანმა. ამასთანავე ჰანის განცხადებით, ევროკავშირისთვის მთავარი კრიტერიუმი ქვეყნის მზაობაა და არა ის რამდენად ახლოს არის ქვეყანა ევროკავშირთან გეოგრაფიულად:

"ჩვენ გვაქვს გარკვეული მეთოდოლოგია, როდესაც საქმე შეეხება ქვეყნის მზაობას, რომ მიიღოს ვიზალიბერალიზაციის შედეგები. ჩვენ განსხვავებას არ ვაკეთებთ დიდ და მცირე ქვეყნებს შორის, ასევე - ვინ ახლოს არის ევროკავშირთან და ვინ შორს. ვგულისხმობ გეოგრაფიულ მდებარეობას", - განაცხადა ჰანმა.