საქართველოს პრეზიდენტი გიორგი მარგველაშვილი ევროკომიარს იოჰანეს ჰანს შეხვდა. შეხვედრის დასრულების შემდეგ მარგველაშვილმა და ჰანმა მედიისთვის ერთობლივი განცხადებები გააკეთეს.

პრეზიდენტა შავის ზღვის ქვეყნების გამოწვევაზე ისაუბრა და აღნიშნა, რომ მთავარი საფრთხე უკრაინისთვის, საქართველოსვის, მოლდოვასთვის და აღმოსავლეთ პარტნიორობის ქვეყნებისთვის რუსეთია.

„ეს ქვეყნები, დგანან ტერიტორიული მთლიანობის და უსაფრთხოების საკითხების წინაშე. ეს არის ამ ქვეყნებისთვის მნიშვნელოვანი გამოწვევა, რომელიც მოდის რუსეთიდან, რომელიც ეფუძნება რუსეთის პოლიტიკას პრივილეგირებული ინტერესის სფეროები გაავრცელოს თავის სამეზობლოში და საქართველო ამ თვალსაზრისით იყო ის პირველი ქვეყანა, ვინც თავისი ევროპული არჩევანისთვის იქნა დასჯილი ჩრდილოელი მეზობლის მიერ. ამავე დროს ჩვენი ქვეყანა თავიდანვე პასუხისმგებლიანი იყო იმ საკითხებში, რომელიც გლობალურ უსაფრთხოებას ეხებოდა. ჩვენი სამხედროები ჩართულები იყვნენ მისიებში, რომელიც ჩვენი ევროპელი პარტნიორების ეგიდით ხორციელდებოდა“, - განაცხადა გიორგი მარგველაშვილმა.