პარლამენტის თავმჯდომარე დავით უსუფაშვილი დღეს საკანონმდებლო ორგანოში მთავარი პროკურორის კანდიდატთან დაკავშირებულ მოსმენებს გამოეხმაურა.

უსუფაშვილი დარწმინებულია, რომ შოთაძეს პარლამენტის უმრავლესობა მხარს დაუჭერს.

"ირაკლი შოთაძემ დღეს ფრაქციებთან გამართულ შეხვედრებზე ხაზი გაუსვა იმას, რომ იგი გააგრძელებს რეფორმებს და არ შეწყვეტს. სასურველი იდეალისკენ სიარულს არ უნდა გადავაყოლოთ საქმე. დარწმუნებული ვარ, რომ მას ექნება უმრავლესობის მხარდაჭერა და უმრავლესობა აიღებს ამ პასუხისმგებლობას თავისთავზე ისევე როგორც ჩვენ ერთად, კონსესუსით მოვახერხეთ უზენაესი სასამართლოს თავმჯდომარის დანიშვნა, ასევე სხვა თანამდებობებზე ადამიანების გამწესება იქნებოდა ეს სახალხო დამცველი თუ სხვა მნიშვნელოვანი თანამდებობის პირები. ახლად დანიშნული პროკურორი ექვსი წლის ვადით ინიშნება და ეს არის მისთვის დამოუკიდებლობის ძალიან მაღალი ხარისხი და თუ რას ნიშნავს მაღალი ხარისხი, ჩვენ ეს ვნახეთ სხვადასხვა თანამდებობის პირების შემთხვევაში. დარწმუნებული ვარ იგი იქნება დამოუკიდებელი და პროცესის დადებით შედეგებს ჩვენ მალე ვნახავთ“, - განაცხადა დავით უსუფაშვილმა.