პარლამენტში დღეს 2015 წლის სახელმწიფო ბიუჯეტში შესატანი ცვლილებები უნდა დაამტკიცონ.

ცვლილების მიხედვით ჯანდაცვის სამინისტროს ბიუჯეტი 96 მილიონი ლარით იზრდება, ასევე 15 მილიონით გაიზრდება მთავრობის სარეზერვო ფონდი. შემცირდება ინფრასტრუქტურის სამინისტრო. ნოდარ ჯავახიშვილის უწყება 76 მილიონი ლარით ნაკლებს მიიღებს. ასევე 5 მილიონით შემცირდება სოფლის მეურნეობის ბიუჯეტი.

უკვე ცნობილია, რომ ბიუჯეტის პროექტს მხარს არ უჭერს „ნაციონალური მოძრაობა“.

„იმის მაგივრად, რომ თანხები დააკლონ ჩინოვნიკების პრემიებს და ხელფასებს, აკლებენ ინფრასტრუქტურის პროექტებს, რაც ათასობით სამუშაო ადგილის დაკარგვას. ეს ნიშნავს იმას, რომ ეს იქნება ადამიანების გაღარიბების ცვლილება“, - აცხადებს „ნაციონალური მოძრაობის“ წევრი სერგო რატიანი.