მთავრობის წევრები მთავარი პროკურორის პოსტზე ირაკლი შოთაძის კანდიდატურას იწონებენ და არ იზიარებენ ოპოზიციის განცხადებას, რომ შოთაძე ბიძინა ივანიშვილის მართულია.

როგორც მთავრობის სხდომის დაწყებამდე დევნილთა მინისტრმა სოზარ სუბარმა განაცხადა, შოთაძეს მაღალი კომპეტენცია გააჩნია და ეს არაერთ სწრაფად გამოძიებულ საქმეშიც გამოჩნდა.

"სწორედ შოთაძე იყო ის ადამიანი, რომელიც პრესასთან ყველაზე მწვავედა მტკივნეულ საკითხებზე არ ერიდებოდა ურთიერთობას და საზოგადოებას აწვდიდა ინფორმაციას. დგას ძალიან მაღალი კომპეტენცია, რაც გამოჩნდა არაერთ ძალიან სწრაფად გამოძიებულ საქმეში. პირველად მოხდა, როდესაც საქართველოს ისტორიაში ღია არჩევნების მეშვეობით ხდება მთავარი პროკურორის არჩევა", - განაცხადა სუბარმა.

დევნილთა მინისტრის მოსაზრებას იზიარებს ჯანდაცვის მინისტრიც. დავით სერგეენკო შოთაძეს შედეგზე ორიენტირებულ და ეფექტურ მენეჯერს უწოდებს.

"ბუნებრივია, პარლამენტში რომ ერთიანი აზრი არ არსებობს. რაც შეეხება იმას არის თუ არა მართული შოთაძე, ამაზე ჩემი მხრიდან საუბარი არასწორი იქნება. ბოლო წლების განმავლობაში, როდესაც ბატონ ირაკლისთან მქონდა საქმიანი ურთიერთობა, ის ყოველთვის შედეგზე ორიენტირებული და ეფექტური მენეჯერი იყო. იმედია, ასვე გააგრძელებს", - განაცხადა სერგეენკომ.

პარლამენტმა მთავარი პროკურორის პოსტზე ირაკლი შოთაძის კანდიდატურას კენჭი დღეს უნდა უყაროს.