უმრავლესობის წევრი გია ვოლსკი მთავარი პროკურორობის კანდიდატს ირაკლი შოთაძეს სთავაზობს, რომ პროკურატურამ მოქალაქეების წერილებზე პასუხის გასაცემას ცალკე უწყება ჩამოაყალიბოს. დეპუტატის თქმით, ხშირად სხვადასხვა უწყებებიდან წერილებზე „სახალიხო პასუხები“ ეგზავნება წერილის ავტორს.

"მინდა აქედან გიორგი ბადაშვილს შევეხმიანო. საინტერესო სისტემა ააწყო, ბატონი ირკალიც მოაზრებოდა ყოველთვის მასთან ერთად. თუმცა უამრავი საკითხია, რომელიც საზოგადოებამ მართლაც არ იცის, პოზიტივებზე ვლაპარაკობ. არის საკითხები, სადაც არ იციან პოზიტივია თუ ნეგატივია და უამრავი შეკითხვაა. ასევე მინდა მოგმართოთ თქვენ, ხომ არ იქნებოდა უმჯობესი წერილებზე პასუხის გასაცემად სპეციალური განყოფილების, ან სტრუქტურის ჩამოყალიბება.
მოისაკლისებს არა მარტო თქვენი უწყება, არამედ სხვა სახელმწიფო უწყებებიც. ხანდახან უწყებიდან ისეთი პასუხები მომდის, შეიძლება სახალისო გაზეთი გამოუშვა“, - აღნიშნა ვოლსკიმ.