16 წელს მიღწეული ახალგაზრდების ქორწინებაზე თანხმობა არა მშობლების, არამედ სასამართლოს კომპეტენცია იქნება.

შესაბამისი კანონპროექტი, რომელიც 16 წელს მიღწეულ გოგონათა ქორწინებას ეხება პარლამენტმა პირველი მოსმენით მიიღო. ინიციატივის ავტორი ფრაქცია „რესპუბლიკელების“ წევრი თამარ კორძაიაა. მისი თქმით, მომავალში 18 წლამდე ასაკის პირთა ქორწინება აიკრძალება.

„ქორწინების უფლება, რომელიც არსებობდა 16-დან 18 წლამდე, შეიზღუდება და იარსებებს გარკვეული წესები. ცოტა ხნის შემდეგ კი საერთოდ აიკრძალება 18 წლამდე პირთა ქორწინება, რასაც ითვალისწინებს ბავშვის უფლებების კონვენცია. საქართველოს პარლამენტმა დღეს კიდევ ერთი ნაბიჯი გადადგა არასრულწლოვანთან ინტერესების დაცვის კუთხით“, - აღნიშნა თამარ კორძაიამ.