უმრავლესობის წევრი გუგული მაღრაძე სიგარეტზე ფასის ზრდას მიესალმება და ამბობს, რომ ეს თამბაქოსთან ბრძოლითვის კარგი საშუალებაა.

დეპუტატმა „ნაციონალური მოძრაობის“ ევრებსაც მიმართა, რომ ნაკლები მოწიონ.

„მთელ მსოფლიოში ყველა ნორმალურმა სახელმწიფომ თამბაქოსთან ბრძოლის კამპანია დაიწყო აქციზის მატებით და ჩვენ მივყვებით იმ გზას, რაც გაიარა ყველა ნორმალურმა და ევროპულმა სახელმწიფომ. ის, რომ ვიღაცას გაუძვირდება და ვერ იყიდის სიგარეტს ძალიანაც კარგი. „ნაციონალურმა მოძრაობამ“, რომელიც ინტენსიურად ეწევა პარლამენტში გვერდით ოთახში, მანაც უნდა დაანებოს თავი მოწევას,“ - აცხადებს გუგული მაღრაძე.

სიგარეტი და ალკოჰოლური სასმელი შესაძლოა 1 იანვრიდან გაძვირდეს. საგადასახადო კოდექსში ცვლილებების შეტანის თაობაზე მთავრობის ინიციატივა დღეს პარლამენტში განიხილეს.