თბილისის მერის ინფორმაციით, პრემიები მის უწყებაში კვლავ გაიცემა, თუმცა იმაზე ნაკლები ვიდრე მისი წინამორბედების დროს გაიცემოდა.

ამის შესახებ დავით ნარმანიამ ჟურნალისტებთან საუბრისას განაცხადა.

„გამგეობებში კვლევა ჩატარდა და გამგეობების სტრუქტურის მოდერნიზაცია მოხდა, ეს იწვევს მხოლოდ და მხოლოდ გარკვეულ ცვლილებებს შრომის ანაზღაურების ნაწილში. თუმცა აქ კონკრეტულად ხელფასების მომატებაზე საუბარი არ არის. არ იზრდება კონკრეტული ადამიანების შრომის ანაზღაურება. გამგეობების სტრუქტურის ცვლილება მოხდა, აქედან გამომდინარე, გამგეობების ფუნქციები იზრდება და ემატება სტრუქტურული ერთეულები. რაც შეეხება პრემიებს, პრემიები იქნება, თუმცა იმაზე მცირე ვიდრე ჩვენი წინამორბედების დროს იყო“, - განაცხადა დავით ნარმანიამ.