3,7 მილიონი - ცხოველთა მონიტორინგი, 3 მილიონი - წარმომადგენლობითი ხარჯები

3,7 მილიონი - ცხოველთა მონიტორინგი, 3 მილიონი - წარმომადგენლობითი ხარჯები - თბილისის ბიუჯეტი 2016

პოლიტიკა - 13:17, 25 Nov, 2015

1358

მონიტორინგის ცენტრი - „მედიატორი“ თბილისის 2016 წლის ბიუჯეტის პროექტთან დაკავშირებით ინფორმაციას აქვეყნებს. მათი ინფორმაციით, ბიუჯეტში ცხოველთა მონიტორინგისთვის გამოყოფილია 3,7 მილიონი ლარი.

„3 101 140 ლარი გამოყოფილია ხელფასის, დანამატის, პრემიის, მივლინების, წარმომადგენლობითი ხარჯის, ავტოტექმომსახურეობის, დაზღვევის, პოლიგრაფიული მომსახურების, ელექტროენერგის, ბუნებრივი აირის, წყლის, ინტერნეტის, რემონტის, კომპიუტერული ტექნიკის და მსგავსი მომსახურებისთვის.

რეალურ საჭიროებებზე: დეზინფექცია - 500 ლარი , ცხოველთა მოვლა შენახვა 220 000 ლარი.

13 ივნისის სტიქია ყველას გვახსოვს. ამ სამსახურის პირდაპირი მოვალეობა იყო ამ კრიზისულ სიტუაციაში ემოქმედა, მაგრამ ყველამ კარგად ვიცით, რომ ამ თანამშრომლების მოძებნაც კი გართულდა იმ დღეებში. ქუჩაში მოხეტიალე ცხოველები და შსს - სპეცნაზიც გვახსოვს, გვახსოვს ვეფხვის მიერ შეჭმული ადამიანი. მოკლედ ფაქტია ამ სამსახურმა ვერ (არ) იმუშავა. მიუხედავად ამისა ბიუჯეტი გაუზარდეს თითქმის 700 000 ლარით და ეს გაზრდა აისახა მათ ხელფასებზე და პირად საჭიროებებზე“, - ნათქვამია ინფორმაციაში.