როგორც თურქეთს, ისე ნებისმიერ სახელმწიფოს აქვს უფლება დაიცვას მისი ტერიტორიული მთლიანობა

როგორც თურქეთს, ისე ნებისმიერ სახელმწიფოს აქვს უფლება დაიცვას მისი ტერიტორიული მთლიანობა - კელი

პოლიტიკა - 12:22, 25 Nov, 2015

1169

საქართველოში ამერიკის შეერთებული შტატების ელჩი თურქეთის ინციდენტს ეხმაურება და ამბობს, რომ ვაშინგტონი თურქი მოკავშირეების მიმართ სოლიდარულია.

იან კელის თქმით, თურქეთს ისევე როგორც ნებისმიერ სახელმწიფოს ჰქონდა უფლება დაეცვა მისი ტერიტორიული მთლიანობა.

„უპირობოდ სოლიდარულები ვართ ჩვენი თურქი მოკავშირეების მიმართ. თურქეთს, ისევე როგორც ნებისმიერ სახელმწიფოს, აქვს უფლება დაიცვას მისი ტერიტორიული მთლიანობა და სუვერენიტეტი. ასეთი ინცინდენტი ხაზს უსვამს დიალოგის საჭიროებას და აქცენტი უნდა გაკეთდეს პოლიტიკურ გადაწყვეტილებაზე სირიაში მიმდინარე მოვლენების გამოსავლის ძიებაზე. ორ მხარეს შორის მნიშვნელოვანი იქნება დიალოგის წარმართვა და ვითარების შემდგომი დეესკალაცია“, - განაცხადა იან კელიმ.

შეგახსენებთ, რუსული სამხედრო თვითმფრინავი სუ-24 თურქმა სამხედროებმა თურქეთის საჰაერო სივრცის დარღვევისთის, თურქეთ-სირიის საზღვართან გუშინ ჩამოაგდეს.

ოფიციალური ანკარის ინფორმაციით, ჩამოგდებამდე, ხუთი წუთის განმავლობაში თურქული საჰაერო სივრცის დარღვევის შესახებ სუ-24 10-ჯერ გააფრთხილეს