"თავისუფალი დემოკრატები" პარლამენტის თავდაცვისა და უშიშროების კომიტეტის შეკრებას ითხოვენ.
ირაკლი ჩიქოვანის განცხადებით, აუცილებლია მოხდეს შესაბამისი სამსახურების სრული მობილიზება და იმ პირების სრული იდენტიფიცირება, ვინც რაიმე ფორმით კავშირშია ტერორისტულ ორგანიზაციებთან.

"ჩვენ გვაქვს მოთხოვნა, უახლოეს პერიოდში შეიკრიბოს თავდაცვისა და უშიშროების კომიტეტი, რომელზეც ჩვენ დახურულ ან ღია ფორმატშიშეხვედრა გვექნება აღმასრულებელი ხელისუფლების წარმომადგენლებთან. ვნახავთ რა გეგმები გააჩნიათ მათ საფრთხეებთან დაკავშირებით, რაც დღეს არსებობს. კიდევ უფრო აუცილებელი ხდება ანტიტერორისტული სამსახურებისა და საზღვრის დაცვის დეპარტამენტისთვის ბიუჯეტის გაზრდა, რასაც "თავისუფალი დემოკრატები" დიდი ხანია ვითხოვთ. უნდა გაორმაგდეს ის შესაძლებლობები, რაც ამ ქვედანაყოფებს გააჩნია. ჩვენ სამწუხაროდ, საზოგადოებამ არ ვიცით რას აკეთებს ხელისუფლება. ვერ ვიტყვი, რომ უსაფრთხოების საბჭოს ხელმძღვანელის განცხადებები რაიმე იმედს აძლევს ჩვენს თანამოქალაქეებს, მაგრამ ჩვენ მზად ვართ ყველასთან ერთად ვიმუშაოთ, რათა ქვეყანაში უსაფრთხო გარემო იყოს. დღეს ტერორიზმმა აბსოლუტურად ყველა საზღვრები გადალახა და ამ გამოწვევას ადეკვატური პასუხი სჭირდება და არა ისეთი, როგორსაც გვთავაზობს დღეს ხელისუფლების ზოგიერთი წარმომადგენელი", - ამბობს ჩიქოვანი.