"ისლამური სახელმწიფოს" სახელით ქართველების მისამართით გაკეთებული მუქარის ერთ-ერთი ავტორი, ამავე ვიდეოში აღბეჭდილი, 22 წლის ხვიჩა გობაძეა.

როგორც ამ უკანასკნელის მამა ილია გობაძე აცხადებს, მისი შვილი საქართველოდან თურქეთში სამუშაოდ დაახლოებით 2 თვის წინ, მეგობართან ერთად წავიდა.

რაც შეეხება უშუალოდ მუქარას, ილია გობაძის თქმით, "საქართველოს სახელმწიფოს არ უნდა ეშინოდეს ხუთი კაცის მუქარის, რადგან ამერიკა ჰყავს მხარდამჭერი, რუსეთი კი მისი მეზობელია".

"ხუთი კაცის დამუქრების რა აშინებს ამ სახელმწიფოს მაშინ, როცა ამერიკა გვერდში უდგას და რუსეთი მეზობელია. ხომ ამბობენ დემოკრატია არისო, რაც გინდა ის თქვი, რაც გინდა ის აკეთე, როგორც გინდა ისე მოიქეციო, კაცმა-კაცთან იქორწინე, ქალმა-ქალთანო. ამას ღმერთი კრძალავს, მე ამ კანონით ვერ ვიცოცხლებ“ - აღნიშნა ილია გობაძემ და განაცხადა, რომ საქართველოში მუსლიმები ვერ ცხოვრობენ ისე, როგორც ისლამის კანონებით ევალებათ, თუმცა გობაძის თქმით, ეს მისი შვილის ქმედებას არ ამართლებს.

გობაძის განცხადებით, ტერორიზმი არის ძალადობა, მარგამ მისი მოსაზრებით, როცა გართმევენ სამშობლოს და რელიგიას, შეგიძლია მისთვის იბრძოლო.

„ტერორიზმი არის ძალადობა, კაცის მოკვლა არ შეიძლება, მაგრამ მუსლიმანს ღმერთმა მისცა უფლება, თუ გებრძვიან შენი რელიგიის, ქონების და სამშობლოს გამო, შეგიძლია იბრძოლო - აღნიშნა ილია გობაძემ.

მამა-შვილ გობაძეები სოფელ დიდ აჭარაში ცხოვრობს. რაც შეეხება ხვიჩა გობაძეს, მას უმაღლესი განათლება აქვს, სკოლს სწერედ აღნიშნულ სოფელში დაამთავრა. გამოირჩეოდა მაღალი მოსწრებითა და მათემატიკისადმი სიყვარულით. მეტიც, წალკაში ყოფნის დროს, სკოლამ შეარჩია, როგორც ნიჭიერი ბავშვი. იგი ერთი წელი სწავლობდა კომაროვის გამაძლიერებელ მათემატიკურ სკოლაში მოგვიანებით კი სწავლა ბათუმში, მედრესეში განაგრძო.

სწავლის დამთავრების შედმეგ ეგვიპტეში გაემგზავრა, როგორც მამამისი ირწმუნება მისი შვილი ამ ქვეყანაში არაბული ენის შესწავლით იყო დაკავებული.