„ქრისტიან-კონსერვატიული პარტიის“ თავმჯდომარე შოთა მალაშხია პრეზიდენტს მიმართავს, რომ მიხეილ სააკაშვილს საქართველოს მოქალაქეობა შეუნარჩუნოს.

ამის შესახებ მალაშხიამ დღეს გამართულ პრესკონფერენციაზე განაცხადა.

იგი პრეზიდენტის ადმინისტრაციაში განცხადების შეტანას ხვალ გეგმავს.

„ბატონო პრეზიდენტო, მოგიწოდებთ კიდევ ერთხელ დადგეთ დღევანდელ პოლიტიკურ კონიექტურაზე მაღლა და მიიღოთ სახელმწიფოებრივი თვალსაზრისით მართებული გადაწყვეტილება. საქართველოს მოქმედი კანონმდებლობის შესაბამის ნორმათა საფუძველზე საქართველოს მოქალაქეობა შეუნარჩუნოთ ქვეყნის მესამე პრეზიდენტს, მიხეილ სააკაშვილს“, - აცხადებს მალაშხია.