აშშ-ის სახელმწიფო მდივნის თანაშემწის მოადგილე ბრიჯიტ ბრინკი „რუსთავი 2“-ის გარშემო მიმდინარე მოვლენებს ეხმაურება და მედიაპლურალიზმის არსებობის აუცილებლობაზე საუბრობს.

ბრინკის თქმით, თავისუფალი არჩევნების ჩასატარებლად მნიშვნელოვანია, რომ მედია იყოს ღია.

„ჩემი მესიჯი ასახავს ამერიკის შეერთებული შტატები მხარს უჭერს საქართველოს ტერიტორიულ მთლიანობას სუვერენიტეტსა და დამოუკიდებლობას. მივესალმებით საქართველოს დამოკიდებულებას იმუშაოს ევროკავშირთან. ასევე მივესალმებით საქართველოს როლს რეგიონში რომ ის გახდეს სატრანსპორტო ცენტრი. რაც შეეხება "რუსთავი 2"-ის საკითხს ჩვენი პოზიცია ცნობილია, ჩვენ მხარს ვუჭერთ საქართველოს დემოკრატიულ განვითარებას და თავისუფალი არჩევნების ჩასატარებლად მნიშვნელოვანია ღია მედია გარემოს არსებობა. ყველა ჩვენგანმა მხარი უნდა დავუჭიროთ პლურალისტურ გარემოს სადაც არჩევნები იქნება შეფასებული როგორც თავისუფალი და სამართლიანი,“ - აცხადებს ბრიჯიტ ბრინკი.